ரஜினி, கமல் படங்கள் எப்படி இருந்தாலும் பார்த்து விடுகிறோம். அஜித், விஜய், சூர்யா, விக்ரம், கார்த்தி படங்களுக்கு அவர்களது தீவிர ரசிகர்கள் இருக்கிறார்கள். அதே போல் ஜீவா, ஜெயம் ரவி, தனுஷ், சிம்புவுக்கும் ரசிகர்கள் உண்டு. இந்த மாதிரி ஹீரோக்கள் மத்தியில் அதிக ஆரவாரமின்றி பட்டையை கிளப்பிக் கொண்டிருக்கிறார்கள் சில ஹீரோக்கள்.
சிவகார்த்திகேயன், விஜய் சேதுபதி, விஷ்ணு விஷால், விஜய் அண்டோனி, அட்ட கத்தி தினேஷ் போன்றோர்களை தான் சொல்கிறேன். இவர்களது படங்கள் போரடிக்காது. நல்ல கதைகளையும், இயக்குனர்களையும் இவர்கள் முன்பே தேர்ந்தெடுத்து நடித்து விடுவதால், நமக்கு வேலை மிச்சம். இவர்களது படம் என்றால் குடும்பம் சகிதமாக எந்த விமர்சனங்களையும் படிக்காமல் நேராக தியேட்டர் போகலாம். ஐநூறு, ஆயிரம் என்று செலவு செய்து படம் சூர மொக்கை என்று தெரிந்து மனம் நொந்து வீடு திரும்ப வேண்டியதில்லை.
இவர்கள் வளரும் நடிகர்கள். ஆரம்ப கட்ட ரஜினி, கமல், சத்யராஜ் மாதிரி. எந்தவொரு பந்தாவும் அலட்டலும் கிடையாது. தங்களது நடிப்பால் சுமாரான திரைக்கதையையும் சூப்பர் ஆகி விடுவார்கள். தமிழ் சினிமாவை சிறந்த இயக்குனர்களைக் கொண்டு சிகரத்துக்கு கொண்டு செல்பவர்கள்.
விஜய்யும், அஜித்தும், சூர்யாவும், தனுஷும் இவர்களைத் தான் போட்டியாக கருத வேண்டும். கதை சரியில்லை என்றால் சூப்பர் ஸ்டார் படம் கூட ஊத்திக்கொண்டதே.
இவர்கள் நடித்த சில நல்ல படங்களின் பட்டியல் கீழே: (எதையாவது நீங்கள் பார்க்க தவற விட்டிருந்தால் பார்த்து விடுங்கள்).
சிவகார்த்திகேயன்: மெரினா, கேடி பில்லா கில்லாடி ரங்கா, எதிர் நீச்சல், வருத்த படாத வாலிபர் சங்கம், மான் கராத்தே, காக்கி சட்டை, ரஜினி முருகன்
விஜய் சேதுபதி: பீட்சா, நடுவுல கொஞ்சம் பக்கத்தைக் காணோம், சூது கவ்வும், இதற்கு தானே ஆசை பட்டாய் பாலகுமாரா, நானும் ரௌடி தான்.
விஷ்ணு விஷால்: வெண்ணிலா கபடி குழு, நீர் பறவை, முன்டாசுப்பட்டி, ஜீவா, இன்று நேற்று நாளை
விஜய் அண்டோனி: நான், சலீம், இந்திய பாகிஸ்தான்.
அட்டகத்தி தினேஷ்: அட்டகத்தி, குக்கூ, திருடன் போலீஸ்.
இவர்களது சில ஓடாத படங்களை விட்டு விட்டேன். ஒன்றிரண்டு படங்கள் ஓடியதற்கே கருப்பு கண்ணாடி மாட்டிக்கொண்டு பெரிய நடிகன் மாதிரி Acting கொடுப்பவர்கள் மத்தியில் இவர்களது Hit list நீளம் தான். ரசிகர்களே ரெடி ஆகிக்கோங்க. கட் அவுட், நற்பணி மன்றம், பால் அபிஷேகம், பண அபிஷேகம் எல்லாமே இவர்களுக்கும் அமோகமாக அமையட்டும்.
I like acting so I like these actors. lots of them like actors such as Vijay and Ajith than acting. I still don't understand why they fighting for thala and thalapathi. how they established beyond acting and who created? I enjoyed story and acting but never interested actors personally.
பதிலளிநீக்குThese Actors could gradually pick their unique style and get more fans. Already they have proven their acting worth.
நீக்கு